أصل الهوى لعبة نظر
هوّ كده بالمختصر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر
سر الهوى رمش العيون يشبك قلوب الطيبه
يصدق سنه وسنين يخون ينسى قلوب متعذّبه
عارفين وحاسّين قسوته وبرضو نمشي بسكتو
مين فينا يخالف كلمته مهما حكم ولاّ أمر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر
نتوب ونحلف كل يوم المتابه توصل للفضا
لكن بننسى في تاني يوم ونرجع على حب ورضا
غارقين في بحر محبته دايرين تملي في دنيته
لو طالت فينا رحلته حنمشي لو طال السفر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

0 التعليقات والاراء:

إرسال تعليق

قول رأيك، علق على الموضوع.

 
موقع الزحمة Alzahma © 2013. All Rights Reserved. Powered by Blogger
Top